சென்னையில் 15,000 பணியாளர்கள் மூலம் மீட்பு பணிகள் - தமிழக அரசு
சென்னையில் நேற்றிரவு பெய்த கனமழையால் ஏற்பட்ட பாதிப்புகள் காலைக்குள் சரிசெய்யப்பட்டுவிட்டதாகத் தமிழக அரசு தெரிவித்துள்ளது. மழைநீர் தேங்கிய இடங்களில் 650 மின்மோட்டார்கள் மூலம் நீர் துரிதமாக வெளியேற்றப்பட்டுள்ளது. 15 ஆயிரத்துக்கும் மேற்பட்ட பணியாளர்கள் மீட்புப் பணியில் ஈடுபடுத்தப்பட்டதாகவும், பொதுமக்களின் பாதுகாப்பிற்காக 9 நிவாரண மையங்கள் திறக்கப்பட்டுள்ளதாகவும் தெரிவிக்கப்பட்டுள்ளது. போர்க்கால அடிப்படையில் பணிகள் நடைபெற்று இயல்பு வாழ்க்கை திரும்பியுள்ளது.
