அருணாச்சலில் 2 புதிய தாவர இனங்கள் கண்டுபிடிப்பு

அருணாச்சல பிரதேசத்தின் சாங்லாங் மாவட்டத்தில் இரண்டு புதிய தாவர இனங்களை ஆராய்ச்சியாளர்கள் கண்டறிந்துள்ளனர். இந்தத் தாவரங்கள் 'ஓபியோரிசா ஷிடியென்சிஸ்' மற்றும் 'ஓபியோரிசா பெமே' எனப் பெயரிடப்பட்டுள்ளன. அக்டோபர் 23 அன்று 'தைவானியா' எனும் அறிவியல் இதழில் இவை குறித்த ஆய்வு வெளியிடப்பட்டது. தாவரங்களின் இலைகள் மற்றும் பூக்களின் நிறம் அடிப்படையில் இவை கண்டறியப்பட்டன. உள்ளூர் லிசு சமூகத்தின் 'ஷிடி' என்ற பெயரும், முதல்வர் பெமா காண்டுவை கௌரவிக்கும் வகையில் 'பெமே' என்ற பெயரும் இவற்றுக்குச் சூட்டப்பட்டுள்ளன.