மனிதர்களை போலவே கைகளை பயன்படுத்தும் அதிசய விலங்கு

இரவு நேரங்களில் சுறுசுறுப்பாக செயல்படும் ரக்கூன் எனப்படும் பாலூட்டி விலங்குகள், தங்களின் முகத்தில் உள்ள கருப்பு நிற முகமூடி போன்ற அமைப்பாலும் அபார புத்திக்கூர்மையாலும் தனித்துவம் பெறுகின்றன. இவற்றின் முன்னங்கால்களில் உள்ள விரல்கள் மனிதர்களின் கைகளை போலவே மிகவும் உணர்திறன் கொண்டவை என்பதால், கடினமான பூட்டுகளையும் இவற்றால் எளிதில் திறக்க முடியும். மேலும், உணவு பொருட்களை சாப்பிடுவதற்கு முன்பு அவற்றை தண்ணீரில் நனைத்து தடவி பார்க்கும் விசித்திரமான பழக்கத்தை இந்த விலங்குகள் கொண்டுள்ளன.