உலக வெப்பமயமாதலை அதிகரிக்கும் அமேசான் காடுகள்

உலகின் மிகப்பெரிய மழைக்காடான அமேசான், இதுவரை வளிமண்டலத்தில் உள்ள கார்பன் டை ஆக்சைடை உறிஞ்சும் இயற்கை வளமாக இருந்து வந்தது. ஆனால், தற்போது கார்பனை உறிஞ்சுவதைவிட அதிக அளவில் வெளியேற்றும் பகுதியாக மாறி வருவதாக ஆய்வுகள் எச்சரிக்கின்றன. காடழிப்பு, காட்டுத்தீ மற்றும் காலநிலை மாற்றம் ஆகியவை இதற்கு முக்கியக் காரணங்களாகக் கூறப்படுகின்றன. மரங்கள் அழிக்கப்படுவதாலும், தீயில் எரிவதாலும் சேமிக்கப்பட்ட கார்பன் வளிமண்டலத்தில் கலக்கிறது.