ஆயுத பூஜை: கிடுகிடுவென உயர்ந்த பூக்கள் விலை

ஆயுத பூஜை மற்றும் தொடர் பண்டிகைகளை முன்னிட்டு குமரி மற்றும் திண்டுக்கல் பூ சந்தைகளில் பூக்களின் விலை பலமடங்கு கிடுகிடுவென உயர்ந்துள்ளது. கடந்த வாரம் ஒரு கிலோ ரூ.500-க்கு விற்பனை செய்யப்பட்ட பிச்சிப்பூ, தற்போது கடுமையான தட்டுப்பாடு மற்றும் கூடுதல் தேவை காரணமாக ரூ.3,000 வரை உயர்ந்து விற்பனையாகிறது. திருவிழாக் காலத்தில் அத்தியாவசியத் தேவையான பூக்களின் விலை வரலாறு காணாத அளவில் எகிறியுள்ளதால் பொதுமக்கள் மற்றும் வியாபாரிகள் பெரும் வேதனையடைந்துள்ளனர்.