பழனியில் பழிவாங்கும் திட்டம்: ஆயுதங்களுடன் 6 பேர் கைது
பழனியில் சந்திரசேகர் என்பவர் கொடூரமாக வெட்டிப் படுகொலை செய்யப்பட்ட சம்பவத்தைத் தொடர்ந்து, அவரது நண்பர்கள் எதிர்தரப்பை பழிவாங்கத் திட்டமிட்டதாக போலீசாருக்கு ரகசியத் தகவல் கிடைத்தது. இதன் அடிப்படையில், பழனியில் ஒரு வீட்டில் போலீசார் அதிரடிச் சோதனையில் ஈடுபட்டனர். அப்போது, பயங்கர ஆயுதங்களுடன் பதுங்கியிருந்த 6 பேர் கைது செய்யப்பட்டனர். அவர்களிடம் இருந்து பட்டாக்கத்திகள் உள்ளிட்ட ஆயுதங்கள் பறிமுதல் செய்யப்பட்டன. கைது செய்யப்பட்டவர்களிடம் போலீசார் தீவிர விசாரணை நடத்தி வருகின்றனர்.
