முட்டை விலை 3வது நாளாக மாற்றமில்லை

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டத்தில், முட்டை விலையில் மாற்றம் செய்ய வேண்டாம் என நேற்று முடிவு செய்யப்பட்டது. அதன்படி, பண்ணைக் கொள்முதல் விலை மாற்றமின்றி ரூ.5.70-ஆக நீடிக்கிறது. அதேபோல், பல்லடத்தில் நடைபெற்ற கூட்டத்தில் கறிக்கோழி விலை கிலோ ரூ. 133-ஆகவும், முட்டைக் கோழி விலை கிலோ ரூ.110-ஆகவும் நிர்ணயிக்கப்பட்டு அறிவிக்கப்பட்டுள்ளது. பிற மண்டலங்களில் விலையில் மாற்றம் இல்லாத சூழலில் இந்த முடிவு எடுக்கப்பட்டுள்ளது.