மணப்பாறையில் காணாமல்போன பெண் சடலமாக மீட்பு

திருச்சி மாவட்டம் மணப்பாறை அருகே உள்ள தைல மரக்காட்டில், ஆளிப்பட்டியைச் சேர்ந்த அங்காயி என்ற பெண் சடலமாக மீட்கப்பட்டுள்ளார். முன்னதாக, தனது தாயைக் காணவில்லை என்று அவரது மகன் காவல் நிலையத்தில் புகார் அளித்திருந்தார். காணாமல் போனதாகத் தேடப்பட்டு வந்த நிலையில், அவர் சடலமாக கண்டெடுக்கப்பட்டது அப்பகுதியில் பெரும் பரபரப்பை ஏற்படுத்தியுள்ளது. இது தொடர்பாக போலீசார் தீவிர விசாரணையைத் தொடங்கியுள்ளனர். உயிரிழந்தவர் எப்படி இறந்தார் என்பது குறித்து விசாரணை நடைபெற்று வருகிறது.