స్కాట్లాండ్‌లో ఘోర విమాన ప్రమాదం.. ఇద్దరు మృతి

స్కాట్లాండ్‌లోని గ్లాస్గో విమానాశ్రయం పరిధిలో శుక్రవారం ఘోర ప్రమాదం జరిగింది. స్టిర్లింగ్‌లోని డ్రైమెన్ గ్రామానికి ఈశాన్య దిశలో జరిగిన తేలికపాటి విమాన ప్రమాదంలో 16 ఏళ్ల బాలుడు, 80 ఏళ్ల వృద్ధుడు అక్కడికక్కడే ప్రాణాలు కోల్పోయారు. సమాచారం అందుకున్న అత్యవసర సిబ్బంది వెంటనే ఘటనా స్థలానికి చేరుకుని సహాయక చర్యలు చేపట్టారు. ఈ దుర్ఘటనపై ఎయిర్ యాక్సిడెంట్స్ ఇన్వెస్టిగేషన్ బ్రాంచ్ (AAIB) దర్యాప్తు ప్రారంభించింది. దర్యాప్తు పూర్తయ్యే వరకు ఆ ప్రాంతంలో డ్రోన్లు, విమానాలపై అధికారులు తాత్కాలికంగా ఆంక్షలు విధించారు.