10 లక్షల మందికి పీఎం కిసాన్ కట్..!

దేశవ్యాప్తంగా రైతులు ఎదురుచూస్తున్న పీఎం కిసాన్ 24వ విడత ఆర్థిక సాయాన్ని అక్టోబర్ 30వ తేదీన కేంద్ర ప్రభుత్వం విడుదల చేయనుంది. గుజరాత్‌లోని బనాస్ కాంఠాలో ప్రధాని మోదీ స్వయంగా ఈ నిధులను విడుదల చేయనున్నారు. ఈ విడతలో 9.34 కోట్ల మంది లబ్ధిదారులకు రూ.18,680 కోట్లు జమ కానున్నాయి. వివిధ కారణాల వల్ల అనర్హులైన 10 లక్షల మందిని లబ్ధిదారుల జాబితా నుంచి తొలగించినట్లు నివేదికలు పేర్కొంటున్నాయి. లబ్ధిదారులు తప్పనిసరిగా ఈ-కేవైసీ, ఆధార్-బ్యాంక్ ఖాతా అనుసంధాన ప్రక్రియను పూర్తి చేసుకోవాలని కేంద్రం సూచించింది.