దీపావళి ఎప్పుడు జరుపుకోవాలంటే?

దీపావళి పండుగ తేదీపై నెలకొన్న సందిగ్ధతకు పండితులు ముగింపు పలికారు. చతుర్దశి, అమావాస్య తిథుల కలయిక నేపథ్యంలో ఈ నెల 8న ఆదివారం రోజునే దీపావళి జరుపుకోవాలని వారు సూచించారు. ఆ రోజు ఉదయం అభ్యంగన స్నానం, సాయంత్రం ప్రదోష వేళలో లక్ష్మీ పూజ మరియు కేదారేశ్వర నోములు నిర్వహించుకోవచ్చని తెలిపారు. అలాగే నవంబర్ 10వ తేదీ నుంచి కార్తీక మాసం ప్రారంభమవుతుందని, నవంబర్ 24న కార్తీక పౌర్ణమి వస్తుందని పండితులు స్పష్టం చేశారు.