బంగాళాఖాతంలో ఏర్పడిన అక్వాన్ తుఫాను తీవ్ర తుఫానుగా బలపడింది. ప్రస్తుతం ఇది చెన్నైకి 580 కిలోమీటర్లు, విశాఖపట్నానికి 610 కిలోమీటర్ల దూరంలో కేంద్రీకృతమై ఉంది. ఈ తుఫాను నెల్లూరు, విశాఖపట్నం మధ్య, కాకినాడ సమీపంలో తీరం దాటే అవకాశం ఉందని వాతావరణ శాఖ అంచనా వేస్తోంది. ఈ ప్రభావంతో నేటి నుండి పలు జిల్లాల్లో భారీ వర్షాలు కురిసే సూచనలు ఉన్నాయి. రేపు, ఎల్లుండి అత్యంత భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని అధికారులు సూచించారు.