
రోడ్డు ప్రమాదంలో యువతి మృతి
నాగుల చవితి సందర్భంగా శుక్రవారం ఉదయం పుట్ట వద్ద పూజలు చేసేందుకు ద్విచక్రవాహనంపై వెళ్తుండగా చోటుచేసుకున్న ప్రమాదంలో 21 ఏళ్ల అమృత అనే యువతి మృతి చెందింది. విశాఖపట్నం పరిధిలోని పీఎం పాలెంకు చెందిన అమృత తన అక్క హర్షిణితో కలిసి చోడవరం వెళ్తుండగా, జాతీయ రహదారిపై లా కాలేజీ కూడలి వద్ద వారి వాహనం అదుపుతప్పి ఇనుప గ్రిల్స్ను బలంగా ఢీకొట్టింది. ఈ దుర్ఘటనలో అమృత అక్కడికక్కడే మరణించగా, హర్షిణికి స్వల్ప గాయాలు కాగా ఆసుపత్రికి తరలించారు. కుటుంబ సభ్యులు విషాదంలో మునిగిపోయారు.



























