18న వర్కింగ్ జర్నలిస్టుల ఫెడరేషన్ దసరా సంబరాలు
ఏపీ వర్కింగ్ జర్నలిస్టుల ఫెడరేషన్, ఏపీ బ్రాడ్‌కాస్ట్ అసోసియేషన్, స్మాల్ & మీడియం వార్త దినపత్రికల అసోసియేషన్ ఆధ్వర్యంలో ఈ నెల 18న ఆదివారం విశాఖపట్నంలో వర్కింగ్ జర్నలిస్టుల దసరా సంబరాలను అత్యంత ఘనంగా నిర్వహించనున్నట్లు జాతీయ జర్నలిస్టుల సంఘం కార్యదర్శి, ఏపీ వర్కింగ్ జర్నలిస్టుల ఫెడరేషన్ రాష్ట్ర కార్యదర్శి గంట్ల శ్రీనుబాబు గురువారం తెలిపారు. ఈ కార్యక్రమంలో విశాఖ జిల్లా అధ్యక్షుడు నారాయణ, ఫెడరేషన్ ప్రధాన కార్యదర్శి శ్రీనివాసరావు, ఆర్గనైజర్ సెక్రటరీ రవికుమార్, ఉపాధ్యక్షులు రామకృష్ణ, విశాఖ ఫోటో జర్నలిస్టుల అసోసియేషన్ అధ్యక్షులు రామకృష్ణ, సభ్యులు పాల్గొంటారు.
