నంద్యాల జిల్లాలో 70 అంగన్‌వాడీ ఉద్యోగాలు
AP: నంద్యాల జిల్లాలో స్త్రీ, శిశు అభివృద్ధి, సాధికారత కార్యాలయం 6 ఐసిడియస్ ప్రాజెక్ట్‌లలో 70 అంగన్‌వాడీ కార్యకర్తలు, ఆయా పోస్టుల భర్తీకి నోటిఫికేషన్ విడుదల చేసింది. అర్హత కలిగిన మహిళా అభ్యర్థులు ఈ నెల 18 వరకు ఆఫ్‌లైన్‌లో దరఖాస్తు చేసుకోవచ్చు. 10వ తరగతి ఉత్తీర్ణత, 21-35 ఏళ్ల వయసు, వివాహిత, స్థానిక నివాసం అర్హతలుగా పేర్కొన్నారు. ఎస్సీ, ఎస్టీ అభ్యర్థులకు వయోపరిమితిలో సడలింపు ఉంది. మెరిట్ ఆధారంగా ఎంపిక జరుగుతుంది. దరఖాస్తుతో పాటు వయసు, కుల, విద్యార్హత, నివాస, ఆధార్, రేషన్ కార్డు ధ్రువపత్రాలు జత చేయాలి.
