జానపాడులో దాడి ఘటనపై చర్యలు తీసుకోవాలి: పిడిఎం
పిడుగురాళ్ల మండలం జానపాడు గ్రామంలో మాల కులస్తులపై దాడికి పాల్పడిన వారిపై ఎస్సీ, ఎస్టీ అట్రాసిటీ చట్టం కింద కేసు నమోదు చేసి వెంటనే అరెస్ట్ చేయాలని పిడిఎం నాయకులు డిమాండ్ చేశారు. దాడిలో గాయపడి నరసరావుపేట ప్రభుత్వాసుపత్రిలో చికిత్స పొందుతున్న కోడిరెక్క హేమంత్ తదితరులను వారు పరామర్శించారు. ఈ నెల 17న వినాయకుడి ఊరేగింపు సందర్భంగా డీజే శబ్దం తగ్గించాలని కోరినందుకు కులం పేరుతో దూషిస్తూ దాడి చేశారని ఆరోపించారు. బాధితులకు న్యాయం చేయకపోతే అన్ని సంఘాలను కలుపుకుని ఉద్యమిస్తామని పిడిఎం నాయకులు హెచ్చరించారు.
