పర్చూరులో 121 మందికి సీఎం సహాయనిధి చెక్కుల పంపిణీ
పర్చూరు ఎమ్మెల్యే క్యాంపు కార్యాలయంలో పర్చూరు నియోజకవర్గంలోని 6 మండలాలకు చెందిన 121 మందికి ముఖ్యమంత్రి సహాయనిధి చెక్కులను ఎమ్మెల్యే ఏలూరి సాంబశివరావు అందజేశారు. మొత్తం రూ. 57 లక్షల 80 వేల 730 విలువైన చెక్కులను లబ్ధిదారులకు పంపిణీ చేశారు. అనారోగ్యంతో బాధపడుతున్న పేదలకు ప్రభుత్వం అండగా ఉంటుందని, సీఎం సహాయనిధి ద్వారా ఆర్థిక సాయం అందిస్తున్నామని ఎమ్మెల్యే తెలిపారు. కార్యక్రమంలో నాయకులు, కార్యకర్తలు పాల్గొన్నారు.
