ఓటేయడం మరచిపోయిన బీజేపీ ఎంపీటీసీ అభ్యర్థి

AP: ఎంపీటీసీ, జడ్పిటిసి ఎన్నికల పోలింగ్ సందర్భంగా చిత్తూరు జిల్లా, కుప్పం మండలం పైపాళ్యం ఎంపీటీసీ స్థానానికి బీజేపీ అభ్యర్థిగా బేట్రాయన్‌ పోటీ చేశారు. పోలింగ్ రోజున కేంద్రం వద్ద హడావుడిగా గడపడం వల్ల ఆయన తన సొంత ఓటు వేయడం మరచిపోయారు. చివరి నిమిషంలో గుర్తించి పోలింగ్ బూత్‌కు వెళ్లినప్పటికీ, సమయం మించిపోయిందనే కారణంతో అధికారులు ఆయనను ఓటు వేయడానికి అనుమతించలేదు. ఎన్నికల ప్రక్రియలో అభ్యర్థి తన ఓటు హక్కును వినియోగించుకోలేని ఈ వింత ఘటన స్థానికంగా చర్చనీయాంశమైంది.