కొత్తపేట మండలం - Kothapeta Mandal

ఒకే ఇంట్లో నివసిస్తున్నప్పటికీ, సొంత ఆదాయం, ప్రత్యేక వంటగది, ఖర్చులు ఉంటే ప్రత్యేక రేషన్ కార్డు పొందవచ్చని పౌర సరఫరాల శాఖ నిబంధనలు స్పష్టం చేశాయి. వివాహితులు, ఉద్యోగ, వ్యాపార నిమిత్తం వేరే నగరాలకు వెళ్లేవారు, ఒంటరి వ్యక్తులు కూడా కొన్ని షరతులకు లోబడి కొత్త కార్డుకు అర్హులు. తల్లిదండ్రులతో కలిసి నివసించే పెళ్లికాని వారికి ఇది వర్తించదు. కొత్త కార్డు కోసం ప్రస్తుత కార్డు నుండి పేరు తొలగింపు ధృవీకరణ, గుర్తింపు, చిరునామా, ఆదాయ ధృవీకరణ పత్రాలతో పాటు ఆహార, పౌర సరఫరాల శాఖ వెబ్‌సైట్ ద్వారా దరఖాస్తు చేసుకోవాలి. అధికారులు తనిఖీ తర్వాత కార్డు జారీ చేస్తారు.