భార్యను రోకలి బండతో కొట్టి చంపిన భర్త
హైదరాబాద్ లోని చిక్కడపల్లిలో భార్యపై అనుమానంతో భర్త ఆమెను రోకలిబండతో కొట్టి హత్య చేశాడు. నాలుగేళ్ల కుమారుడు చూస్తుండగానే ఈ దారుణం జరిగింది. అన్నమయ్య జిల్లాకు చెందిన నరేందర్, తేజశ్రీ దంపతులు ఆరు నెలల క్రితం చిక్కడపల్లికి వచ్చి నివసిస్తున్నారు. భార్యపై అనుమానంతో తరచూ గొడవ పడుతుండేవాడు. ఆదివారం మధ్యాహ్నం గొడవ తీవ్రం కావడంతో నరేందర్ తేజశ్రీ తలపై రోకలిబండతో కొట్టడంతో ఆమె అక్కడికక్కడే మృతి చెందింది. అనంతరం నరేందర్ పోలీసులకు లొంగిపోయాడు. పోలీసులు కేసు నమోదు చేసి దర్యాప్తు చేపట్టారు.
