కాకినాడ రూరల్ - Kakinada Rural

కేంద్ర ప్రభుత్వం అసంఘటిత రంగ కార్మికుల కోసం అటల్ పెన్షన్ యోజన (APY) పథకాన్ని ప్రారంభించింది. పదవీ విరమణ తర్వాత ఆర్థిక భద్రత కల్పించే ఉద్దేశంతో ప్రవేశపెట్టిన ఈ పథకంలో 18 - 40 ఏళ్ల మధ్య వయసున్నవారు చేరవచ్చు. బ్యాంక్ లేదా పోస్టాఫీస్ ద్వారా ఈ పథకంలో చేరవచ్చు. ఖాతా ఉన్న చోట ఈ పథకానికి సంబంధించిన అప్లికేషన్ ఫారంను నింపి ఇవ్వాలి. నెలావారీ, 3 నెలలు, ఆరు నెలలు, ఏడాది విధానాల్లో ప్రీమియం ఆప్షన్ ఎంచుకోవచ్చు. 60 ఏళ్ల వయసు తర్వాత ఎంచుకున్న ప్రీమియం బట్టి రూ.1,000 - రూ.5,000 వరకు ప్రతి నెలా పెన్షన్ అందుతుంది.