పాముకాటుతో వ్యక్తి మృతి
కృష్ణా జిల్లా మోపీదేవి మండలం అన్నవరం గ్రామానికి చెందిన బొమ్ము శ్రీనివాసరావు అనే వ్యక్తి ఆదివారం తెల్లవారుజామున పాముకాటుతో మృతి చెందాడు. కూలీ పనులు చేసుకునే అతను మోపిదేవి శ్రీ సుబ్రహ్మణ్యేశ్వర స్వామి ఆలయానికి కలువ పూలు విక్రయించడానికి వెళ్తుండగా మార్గమధ్యంలో బహిర్భూమికి వెళ్లి పాముకాటుకు గురయ్యాడు. గమనించకుండా ఆలయం వద్ద పూలు అమ్ముకుంటుండగా అస్వస్థతకు గురై కిందపడి నోటి వెంట నురగ రావడంతో పోలీసులు అతన్ని ఆస్పత్రికి తరలించారు. అక్కడ చికిత్స పొందుతూ మృతి చెందాడు. పోలీసులు కేసు నమోదు చేసుకుని దర్యాప్తు చేస్తున్నారు.
