ఘనంగా అన్సారుల్లా ఖుద్దాముల్ అత్ఫాలుల్ అహ్మదీయ్యా వార్షిక ఇజ్తిమా
పెదపారుపూడి మండలం కోర్నేపాడులో కృష్ణా జిల్లా అధ్యక్షులు షేక్ నాగుర్ సాహెబ్ అధ్యక్షతన అన్సారుల్లా ఖుద్దాముల్ అహ్మదీయ్యా అత్ఫాలుల్ అహ్మదీయ్యా వార్షిక ఇజ్తిమా ఆదివారం ఘనంగా నిర్వహించారు. ముఖ్య అతిథిగా సికింద్రాబాద్ నుండి అన్సారుల్లా భారత్ ప్రతినిధి సుల్తాన్ అల్లావుద్దీన్ సాహెబ్ పాల్గొని నమాజ్‌పై దృష్టి సారించాలని, యువత, బాలలను ధార్మిక మార్గంలో నడిపించాల్సిన బాధ్యత అన్సారులదని తెలిపారు. జిల్లా నాజిమ్ అన్సారుల్లా మహమ్మద్ యాకూబ్ పాషా సాహెబ్ ప్రపంచ శాంతి కోసం దువా చేయాలని పిలుపునిచ్చారు. యువకుల అధ్యక్షులు షేక్ బాపూజీ సాహెబ్ యువత చెడు ప్రభావాలకు దూరంగా ఉండాలని సూచించారు. ధార్మిక పోటీలు నిర్వహించి విజేతలకు బహుమతులు అందజేశారు.
