దళిత కాలనీలో మురుగునీరు: బీఎస్పీ నాయకుల ఆందోళన
ఆస్పరి మండలం ముత్తుకూరు గ్రామంలో దళిత కాలనీలోకి మురుగునీరు చేరడంతో ప్రజలు రోగాల బారిన పడుతున్నారని, దీనికి పంచాయతీ కార్యదర్శి నిర్లక్ష్యమే కారణమని బీఎస్పీ తాలూకా అధ్యక్షుడు కొమ్మ రమేష్ ఆరోపించారు. అధికారులకు దళిత కాలనీలంటే చులకన భావమని ఆయన అన్నారు. మురుగునీరు రోడ్లపై ప్రవహించకుండా డ్రైనేజీ ద్వారా వెళ్లేలా చర్యలు తీసుకోవాలని, నిర్లక్ష్యం వహించిన కార్యదర్శిపై చర్యలు తీసుకోవాలని బుధవారం బీఎస్పీ నాయకులు డిమాండ్ చేశారు. ఈ విషయాన్ని పిజిఆర్ఎస్ ద్వారా కలెక్టర్ దృష్టికి తీసుకెళ్తామని ఆయన తెలిపారు. ఈ కార్యక్రమంలో మండల అధ్యక్షుడు అశోక్ తదితరులు పాల్గొన్నారు.
