మానవత్వం చాటుకున్న నరవ దంపతులు
కర్నూలు జిల్లా మంత్రాలయం ప్రాంతానికి చెందిన విజయ్‌ వాస్కులర్‌ వ్యాధితో తీవ్ర అనారోగ్యానికి గురయ్యారు. దీంతో ఆయన భార్య మారెమ్మ కుటుంబం ఆర్థిక ఇబ్బందులను ఎదుర్కొంది. ఈ విషయం తెలుసుకున్న నరవ దంపతులు ఎన్. రమాకాంత్‌ రెడ్డి, నరవ శశిరేఖ అండగా నిలిచారు. విజయ్‌కు నిమ్స్‌లో వైద్యం చేయించడంతో పాటు సీఎం సహాయ నిధి ద్వారా రూ.2.54 లక్షలు మంజూరయ్యేలా కృషి చేశారు. అలాగే సుమారు రూ.6 లక్షల ఆర్థిక సహాయం అందించారు. ఈ సందర్భంగా పెద్దకడబూరులో నరవ దంపతులను మారెమ్మ కుటుంబ సభ్యులు సత్కరించారు. తమ కుటుంబానికి పెద్దదిక్కుగా నిలిచి, తన భర్తకు ప్రాణం పోశారని మారెమ్మ కృతజ్ఞతలు తెలిపారు. వారి మానవత్వాన్ని జీవితాంతం మరిచిపోలేమని పేర్కొన్నారు.
