దుర్గమ్మను దర్శించుకున్న మంత్రులు అనిత, ఆనం

AP: విజయవాడ కనక దుర్గమ్మను ఏపీ మంత్రులు వంగలపూడి అనిత, ఆనం రామనారాయణరెడ్డి, ఎమ్మెల్యే సుజనా చౌదరి, తదితరులు దర్శించుకుని ప్రత్యేక పూజలు చేశారు. ఈ సందర్భంగా అనిత మాట్లాడుతూ ‘ఈ ఏడాది సుమారు 20 లక్షల మంది భక్తులు వస్తారని అంచనా వేస్తున్నాం. వీఐపీలకు ప్రత్యేక స్లాట్ ఏర్పాటు చేశాం.. ఆ సమయంలో వారు దర్శనం చేసుకుంటారు. వీఐపీ భక్తులు దర్శనానికి వచ్చినా.. సామాన్యులకు ఎటువంటి ఇబ్బంది లేకుండా ఏర్పాట్లు చేశాం’ అని తెలిపారు.