ఎమ్మిగనూరు - Yemmiganur

రాజస్థాన్‌లోని బిక్కనేర్‌లో ఉన్న 550 ఏళ్ల నాటి భాండాషా జైన దేవాలయం నిర్మాణంలో నీటికి బదులుగా 40,000 కిలోల స్వచ్ఛమైన దేశీ నెయ్యిని ఉపయోగించారు. 15వ శతాబ్దానికి చెందిన ఈ ఆలయాన్ని ధనిక జైన వ్యాపారి భాండాషా ఓస్వాల్ నిర్మించారు. తీవ్రమైన వేసవిలోనూ ఆలయ గోడలు, నేలల నుంచి నెయ్యి సువాసన, జిడ్డుదనం స్పష్టంగా తెలుస్తుండటం విశేషం. కంజూస్ అన్నందుకు వ్యాపారి తన వద్ద ఉన్న నెయ్యి నిల్వలన్నింటినీ నిర్మాణంలో వాడేశారని కథనం. ఈ మూడు అంతస్తుల ఆలయం ఎర్ర రాతితో, అద్భుత శిల్పకళతో అలరారుతోంది.