నందిగామలో పారిశుద్ధ్య పనులు
నందిగామ పట్టణాన్ని పరిశుభ్రంగా, ఆరోగ్యకరంగా తీర్చిదిద్దే లక్ష్యంతో పురపాలక సంఘం ఆధ్వర్యంలో పారిశుద్ధ్య పనులు ముమ్మరంగా జరుగుతున్నాయి. పట్టణ శివారులోని మున్నేరు పెద్ద బ్రిడ్జి వద్ద మున్సిపల్ కమిషనర్ జి. లోవరాజు పారిశుద్ధ్య కార్మికులతో కలిసి ప్రత్యేక గ్యాంగ్ వర్క్ ఆదివారం నిర్వహించారు. పట్టణంలో పరిశుభ్రతను మెరుగుపరచడానికి ప్రత్యేక కార్యక్రమాలు చేపడుతున్నట్లు, బహిరంగ ప్రదేశాల్లో చెత్త పేరుకుపోకుండా, కాలువలు, వీధులను ఎప్పటికప్పుడు శుభ్రం చేయడం ద్వారా పారిశుద్ధ్య నిర్వహణ సమర్థవంతంగా జరుగుతుందని కమిషనర్ తెలిపారు.
