మార్లపల్లిలో అభివృద్ధి పనులకు ఎమ్మెల్యే లలితకుమారి శ్రీకారం
లక్కవరపుకోట మండలం మార్లపల్లి గ్రామంలో సింహాద్రి అప్పన్న కళ్యాణ మండపం అభివృద్ధికి ఎస్‌డీఎఫ్‌ నిధుల నుంచి మంజూరైన రూ. 15 లక్షలతో చేపట్టనున్న పనులకు ఎమ్మెల్యే కోళ్ల లలితకుమారి బుధవారం శంకుస్థాపన చేశారు. అనంతరం నూతనంగా నిర్మించిన కమ్యూనిటీ హాలును ప్రారంభించారు. గ్రామీణ ప్రాంతాల్లో మౌలిక వసతుల కల్పనకు ప్రభుత్వం ప్రాధాన్యత ఇస్తోందని, అభివృద్ధి పనులతో ప్రజలకు మరిన్ని సౌకర్యాలు అందుబాటులోకి వస్తాయని ఆమె తెలిపారు. ఈ కార్యక్రమంలో స్థానిక ప్రజాప్రతినిధులు, పార్టీ నాయకులు, అధికారులు, గ్రామస్తులు పాల్గొన్నారు.
