దొనకొండ: మోటార్ సైకిల్ దొంగలు అరెస్టు
మోటార్ సైకిల్ చోరీకి పాల్పడిన ముగ్గురిని స్థానిక పోలీసులు అరెస్టు చేశారు. ఎస్ఐ లక్కా కుల రామకృష్ణ తెలిపిన వివరాల ప్రకారం దొనకొండలో స్థానికంగా గత ఏడాది నుండి నివాసముంటున్న వడ్డే సైదాబాబు జూలై 21 న రాత్రివేళ ఇంటిముందు పెట్టిన తన సీటీ 100 మోటార్ సైకిల్ (ఏపీ07 డిఎన్3752) చోరీకి గురైనట్లు స్థానిక పోలీస్ స్టేషన్లో పిర్యాదు చేశారు. ఈ మేరకు ఎస్ఐ తమ సిబ్బందితో విచారణ చేపట్టి కొనకనమిట్ల మండలం ఉమ్మడి వెలిగండ్ల గ్రామానికి చెందిన పి. రమేష్, ఈ. వంశీ, దొనకొండ మండలం ఆరవల్లిపాడు గ్రామానికి చెందిన పి. శివయ్యలను ముద్దాయిలుగా గుర్తించి అరెస్టు చేశారు.
