చంద్రుడి దక్షిణ ధ్రువం వద్ద పనిచేసే అణు రియాక్టర్లను సిద్ధం చేసేందుకు నాసా ప్రణాళికలు రూపొందిస్తోంది. 2030 డిసెంబర్ నాటికి ప్రయోగానికి సిద్ధం చేయాలని అమెరికా భావిస్తోంది. మరోవైపు రష్యా కూడా చైనాతో కలిసి ‘సెలీనా’ పేరుతో ఓ రియాక్టర్‌ను అభివృద్ధి చేస్తుంది. 2036 నాటికి సిద్ధం చేయాలని లక్ష్యంగా పెట్టుకుంది. చంద్రుడిపై శాశ్వత స్థావరం ఏర్పాటుకు విద్యుత్ కీలకం, సౌర విద్యుత్‌కు రెండు వారాల చీకటి సమస్యగా మారనుంది. అణు రియాక్టర్లు నిరంతరాయంగా విద్యుత్‌ను అందించగలవు.