మాజీ సైనికుల ఇళ్ల స్థలాల జీవో సవరించాలి.. కెవిఎస్ ప్రసాదరావు
బొబ్బిలి పాత కోటలోని మాజీ సైనిక సంక్షేమ సంఘం కార్యాలయంలో బుధవారం మాజీ సైనికుల సమస్యలపై అవుట్‌రీచ్ కార్యక్రమం జరిగింది. జిల్లా సైనిక అధికారి కెవిఎస్ ప్రసాదరావు హాజరై, పలువురికి డిపెండెంట్ కార్డులు అందజేశారు. ఆస్తి పన్ను, పుట్టిన తేదీ, చిరునామా మార్పులపై మార్గదర్శకాలు ఇచ్చారు. జీవో 63 ప్రకారం 5 ఎకరాల భూమి కేటాయించడంలో జాప్యంపై మాజీ సైనికులు ఆందోళన వ్యక్తం చేశారు. జీవో సవరించి కనీసం 5 సెంట్ల స్థలం ఇవ్వాలని కోరారు. సమస్యను ప్రభుత్వం దృష్టికి తీసుకెళ్తామని అధికారులు హామీ ఇచ్చారు.
