డెంకాడ జడ్పిటిసి అభ్యర్థిగా తుమ్మి లక్ష్మి రాజ్ నామినేషన్
విజయనగరం జిల్లా డెంకాడ మండల జడ్పిటిసి స్థానానికి జనసేన పార్టీ అభ్యర్థిగా ఉత్తరాంధ్ర మహిళా రీజనల్ కోఆర్డినేటర్ మరియు నెల్లిమర్ల నియోజకవర్గ సమన్వయకర్త తుమ్మి లక్ష్మి రాజ్ శుక్రవారం నామినేషన్ పత్రాలను దాఖలు చేశారు. నెల్లిమర్లలో ఎన్నికల అధికారికి ఆమె నామినేషన్ పత్రాలను సమర్పించారు. ఈ సందర్భంగా లక్ష్మి రాజ్ మాట్లాడుతూ జనసేన పార్టీ అధినేత పవన్ కళ్యాణ్ నాయకత్వంలో నియోజకవర్గాన్ని అభివృద్ధి పథంలో నడిపిస్తానని, తనను గెలిపించాలని స్థానిక ప్రజలను కోరారు. ఈ కార్యక్రమంలో జనసేన పార్టీ నాయకులు పాల్గొన్నారు.
