చింతాడ పాఠశాల ఎస్ఎంసి సమావేశం
చింతాడ మండల పరిషత్ ప్రాథమిక పాఠశాల స్కూల్ మేనేజ్‌మెంట్ కమిటీ (SMC) సమావేశం ఉత్సాహభరిత వాతావరణంలో జరిగింది. ఈ సందర్భంగా పాఠశాలలో మౌలిక వసతుల కల్పన, విద్యార్థులకు నాణ్యమైన విద్య అందించడం, రాబోయే రోజుల్లో చేపట్టాల్సిన అభివృద్ధి కార్యక్రమాలపై సుదీర్ఘంగా చర్చించారు. ఈ సమావేశంలో మాజీ సర్పంచ్, వైఎస్సార్‌సీపీ RTI జిల్లా అధ్యక్షుడు అప్పాన సుబ్రమణ్యం, వైస్ ప్రెసిడెంట్ దాసరి అప్పారావు, డైరీ సొసైటీ చైర్మన్ గోపిశెట్టి సత్యారావు, గ్రామ ప్రముఖులు సోములమ్మ, వెంకట మల్లునాయుడు తో పాటు పాఠశాల హెచ్‌ఎం, ఉపాధ్యాయులు, ఎస్‌ఎమ్‌సి సభ్యులు, గ్రామస్తులు పాల్గొన్నారు.
