మున్సిపల్ చైర్మన్ రేసులో బీసీ నేత పేరు తెరపైకి
వైఎస్సార్‌ కడప జిల్లా బద్వేల్‌లో మున్సిపల్ చైర్మన్ పదవి రేసులో మరో బీసీ నేత పేరు ఆదివారం తెరపైకి వచ్చింది. చిన్నకేశంపల్లె మాజీ సర్పంచ్ ఉప్పుటూరి వెంకట రమణయ్య యాదవ్ పేరును చైర్మన్ అభ్యర్థిగా పరిశీలిస్తున్నట్లు సమాచారం. ఆయన ఇన్చార్జి సూర్యనారాయణ రెడ్డి కుటుంబంతో సన్నిహిత సంబంధాలు కలిగి ఉండటంతో పాటు, కార్యకర్తలకు అందుబాటులో ఉండే నేతగా గుర్తింపు పొందారు. సౌమ్య స్వభావం, అందరితో సత్సంబంధాలు కలిగిన వెంకట రమణయ్య యాదవ్‌కు టికెట్ దక్కుతుందా అనే దానిపై బద్వేల్ టీడీపీలో ఆసక్తికర చర్చ జరుగుతోంది.
