యెమెన్‌లో భీకర వైమానిక దాడి.. 20 మంది మృతి

యెమెన్‌లోని తైజ్ ప్రావిన్స్‌లో గల అల్-వజియా మార్కెట్‌పై జరిగిన భీకర వైమానిక దాడిలో 20 మంది మరణించగా, 15 మంది గాయపడ్డారు. ఈ ఘటనకు సౌదీ నేతృత్వంలోని కూటమే కారణమని హూతీల ఆరోగ్య శాఖ ప్రతినిధి అనీస్ అల్సబాహి ఆరోపించారు. అయితే, ఈ ఆరోపణలను తైజ్ స్థానిక అధికారులు ఖండించారు. తమ ప్రాంతంలో ఎటువంటి వైమానిక దాడులు జరగలేదని, ఈ ఘటనకు హూతీలే బాధ్యులని వారు స్పష్టం చేశారు. బాధ్యులెవరనే దానిపై భిన్నమైన వాదనలు వినిపిస్తున్నాయి. ఈ ఘటన స్థానికంగా తీవ్ర కలకలం రేపింది.