'అర్నబ్' తుఫాన్.. ఏపీకి తెలంగాణ సాయం

AP: తుఫాన్ ప్రభావంతో దెబ్బతిన్న విద్యుత్ వ్యవస్థను పునరుద్ధరించేందుకు ఏపీ మంత్రి గొట్టిపాటి రవికుమార్ తెలంగాణ విద్యుత్ శాఖను సహాయం కోరారు. భారీ వర్షాలు, బలమైన గాలుల కారణంగా అనేక గ్రామాల్లో విద్యుత్ స్తంభాలు నేలకొరిగి విద్యుత్ సరఫరాకు తీవ్ర అంతరాయం ఏర్పడింది. ఈ నేపథ్యంలో, పునరుద్ధరణ పనులకు అవసరమైన సిబ్బందిని, సామగ్రిని పంపాలని ఆయన విజ్ఞప్తి చేశారు. దీనిపై తెలంగాణ విద్యుత్ శాఖ సానుకూలంగా స్పందించి, తక్షణమే సహాయక బృందాలను, సామగ్రిని ఆంధ్రప్రదేశ్‌కు పంపేందుకు అంగీకారం తెలిపింది.