ధన త్రయోదశి.. చేయాల్సిన పనులు ఇవే

ధన త్రయోదశి పండుగ సందర్భంగా లక్ష్మీదేవి, కుబేరుడి అనుగ్రహం పొందడానికి కొన్ని ముఖ్యమైన ఆచారాలను పాటించడం విశేషం. ఈ రోజున ఉదయాన్నే స్నానమాచరించి, ఆయుర్వేద దేవుడైన ధన్వంతరితో పాటు లక్ష్మీదేవి, కుబేరుడిని భక్తితో పూజించాలి. సాయంత్రం ఇంటి ప్రధాన ద్వారం వద్ద 'యమ దీపం' వెలిగించడం వల్ల అకాల మృత్యు దోషాలు తొలగిపోతాయని నమ్ముతారు. బంగారం, వెండి, కొత్త పాత్రలు, మరియు లక్ష్మీ స్వరూపమైన కొత్త చీపురును కొనడం శుభప్రదమని చెబుతారు. పేదలకు దానధర్మాలు చేయడం ద్వారా పుణ్యఫలం లభిస్తుందని భక్తుల నమ్మకం.