బరువు తగ్గించే మందులతో జుట్టు రాలుతుందా?

బరువు తగ్గడానికి వాడే GLP-1 మందులు పురుషుల్లో బట్టతల ప్రమాదాన్ని పెంచుతాయని తాజా అధ్యయనం సూచిస్తోంది. ముఖ్యంగా జన్యుపరంగా బట్టతల వచ్చే అవకాశం ఉన్నవారిలో ఈ ప్రమాదం సుమారు 7% ఎక్కువగా ఉండొచ్చని పరిశోధకులు గుర్తించారు. GLP-1 రిసెప్టర్‌ ప్రొటీన్ల పనితీరును నియంత్రించే GLP1R జన్యువుపై చేసిన పరిశీలనలో ఈ విషయం వెల్లడైంది. అయితే, ఈ అధ్యయనం GLP-1 మందులు నేరుగా బట్టతలకు కారణమవుతాయని నిర్ధారించలేదు, కేవలం సంబంధాన్ని మాత్రమే సూచిస్తుంది. జుట్టు రాలడంపై ఆందోళన ఉంటే వైద్యుడిని సంప్రదించడం మంచిది.