ఇండియాలో ‘లండన్‌’..ఎక్కడుందో తెలుసా?

బ్రిటిష్‌ కాలం నాటి చరిత్ర, కట్టడాలు, సంస్కృతికి ప్రతీకగా నిలిచే కోల్‌కతాను ‘లండన్‌ ఆఫ్‌ ఇండియా’గా పిలుస్తారు. ఒకప్పుడు బ్రిటిష్‌ ఇండియా రాజధానిగా ఉన్న ఈ నగరంలో యూరోపియన్‌ శైలి భవనాలు, విశాలమైన రహదారులు ప్రత్యేక ఆకర్షణగా నిలిచాయి. లండన్‌లో థేమ్స్‌ నది ఉన్నట్లే కోల్‌కతాలో హుగ్లీ నది వాణిజ్యాభివృద్ధికి తోడ్పడింది. స్వాతంత్ర్యం తర్వాత చాలా నగరాల్లో కనుమరుగైన ట్రామ్‌లు ఇప్పటికీ ఇక్కడ కనిపిస్తాయి. పాతకాలపు ఆనవాళ్లను కాపాడుకుంటూనే ఆధునిక పరిశ్రమలు, బహుళ అంతస్తుల భవనాలతో కోల్‌కతా అభివృద్ధి చెందుతోంది.