ఇండోనేషియాలోని ఒక జిమ్‌లో వ్యాయామం చేస్తున్న 22 ఏళ్ల యువతి ప్రమాదవశాత్తు ప్రాణాలు కోల్పోయింది. ట్రెడ్‌మిల్‌పై నడుస్తుండగా అదుపుతప్పి వెనక్కి పడిపోయిన యువతి, అక్కడే ఉన్న తెరిచిన కిటికీలోంచి మూడో అంతస్తు నుండి కిందకు పడిపోయింది. ఈ ఘటనలో తీవ్ర గాయాలపాలైన బాధితురాలు చికిత్స పొందుతూ మరణించింది. ఈ ఘటనకు ప్రధాన కారణం ట్రెడ్‌మిల్‌ను కిటికీకి చాలా దగ్గరగా ఏర్పాటు చేయడమేనని తెలుస్తోంది.