జనసేన ఆధ్వర్యంలో జనంతో జనవాణి కార్యక్రమం
హైదరాబాద్, మేడ్చల్ జిల్లాలో జనసేన పార్టీ 'జనంతో జనవాణి' కార్యక్రమాన్ని ఆదివారం విజయవంతంగా నిర్వహించింది. ఈ కార్యక్రమంలో ప్రజలు తమ సమస్యలను నిమ్మకాయల పెద్దిరాజు, న్యాయవాది రవి రాజ్ రాథోడ్ వంటి జనసేన నాయకులకు వివరించారు. నాయకులు ఫిర్యాదులను నమోదు చేసుకుని, వాటిని అధికారుల దృష్టికి తీసుకెళ్లి పరిష్కరించేందుకు కృషి చేస్తామని హామీ ఇచ్చారు. ప్రజాసేవే జనసేన లక్ష్యమని, ప్రజల పక్షాన నిలబడి వారి హక్కుల పరిరక్షణకు పోరాడుతామని రవి రాజ్ రాథోడ్ తెలిపారు. ఈ కార్యక్రమంలో విజయ్ బండ, వై. రమేష్, బాలరాజు, పద్మజ తదితరులు పాల్గొన్నారు.
