పుదుచ్చెరిలోని తట్టాన్చావిడి నియోజకవర్గంలో జరిగిన ఉప ఎన్నికలో ఏఐఎన్ఆర్సీ పార్టీ అభ్యర్థి అశోక్ ఆనంద్ 8400 ఓట్ల తేడాతో కాంగ్రెస్ అభ్యర్థి వినాయగంపై విజయం సాధించారు. సీఎం ఎన్. రంగస్వామికి చెందిన ఏఐఎన్ఆర్సీ పార్టీ తన ఆధిపత్యాన్ని మరోసారి ప్రదర్శించింది. ఈ సీటు సీఎం రంగస్వామి రాజీనామాతో ఖాళీ అయింది. తమిళనాడులోని మధురాంతకం, ధారాపురం, పశ్చిమ బెంగాల్‌లోని రెజినగర్, నందిగ్రామ్, అస్సాంలోని నాగావ్ పార్లమెంటరీ నియోజకవర్గాల్లో కూడా ఉప ఎన్నికల ఫలితాలు వెలువడుతున్నాయి.