ఢిల్లీలో భారత్-అమెరికా డ్రగ్ పాలసీ భేటీ

భారత్, అమెరికా దేశాల మధ్య ఢిల్లీ వేదికగా కీలకమైన డ్రగ్ పాలసీ సమావేశం జరిగింది. ఈ భేటీలో అంతర్జాతీయ డ్రగ్ నెట్‌వర్క్‌ను పూర్తిగా కట్టడి చేసేందుకు రెండు దేశాలు కలిసి కొత్త వ్యూహాలను రూపొందించాయి. ముఖ్యంగా సింథటిక్ డ్రగ్స్ తయారీకి అవసరమైన రసాయనాల అక్రమ రవాణాను అడ్డుకోవడంపై దృష్టి సారించాయి. డ్రగ్స్ సరఫరా చేసే వారి నుండే కాకుండా, వాటికి ఆర్థిక వనరులు సమకూర్చే ఫైనాన్షియర్ల పైన కూడా కఠిన నిఘా ఉంచాలని నిర్ణయించారు.