అక్టోబర్ 30న ఇస్రో జీఎస్ఎల్వీ-ఎఫ్18 ప్రయోగం

భారత అంతరిక్ష పరిశోధన సంస్థ (ఇస్రో) మరో కీలక ప్రయోగానికి సిద్ధమైంది. అక్టోబర్ 30న రాత్రి 23:51 గంటలకు శ్రీహరికోటలోని సతీష్ ధావన్ స్పేస్ సెంటర్ నుంచి జీఎస్ఎల్వీ-ఎఫ్18 రాకెట్ ద్వారా ఎన్వీఎస్-03 ఉపగ్రహాన్ని ప్రయోగించనున్నారు. దేశీయ నావిగేషన్ వ్యవస్థ 'నావిక్' సామర్థ్యాన్ని బలోపేతం చేయడమే ఈ మిషన్ ముఖ్య ఉద్దేశ్యం. దీనివల్ల రక్షణ, రవాణా, విపత్తు నిర్వహణ రంగాలకు అత్యంత కచ్చితమైన సమయం, లొకేషన్ సేవలు అందుబాటులోకి వస్తాయి. ప్రస్తుతం తుది సన్నాహాలు ముమ్మరంగా సాగుతున్నాయి.