ఇద్దరు మైనర్ బాలికలను కిడ్నాప్ చేసేందుకు యత్నించిన ఆటో డ్రైవర్
TG: నల్లగొండ జిల్లా నకిరేకల్‌లో ఇద్దరు మైనర్ బాలికలను ఆటో డ్రైవర్ కిడ్నాప్ చేయడానికి యత్నించిన ఘటన కలకలం రేపింది. జాజిరెడ్డిగూడెం మండలం కాసర్లపాడుకు చెందిన బాలికలు, దసరా సెలవులకు ఊట్కూరులోని అమ్మమ్మ ఇంటికి వచ్చారు. నకిరేకల్‌లో వారిని నమ్మించి ఆటో ఎక్కించుకున్న డ్రైవర్, నిర్మానుష్య ప్రాంతం వైపు మళ్లించాడు. భయంతో కేకలు వేస్తూ బాలికలు ఆటో నుంచి దూకడంతో గాయాలపాలయ్యారు. బైకర్లు బాలికలను రక్షించి నకిరేకల్ పోలీసులకు అప్పగించారు. సీసీటీవీ ఫుటేజీని పరిశీలిస్తూ పోలీసులు నిందితుడి కోసం గాలింపు చర్యలు చేపట్టారు.
