ఎల్లారెడ్డిలో ఘనంగా అట్ల బతుకమ్మ సంబరాలు
కామారెడ్డి జిల్లా ఎల్లారెడ్డి పట్టణం మరియు మండలంలోని వివిధ గ్రామాల్లో శుక్రవారం అట్ల బతుకమ్మ వేడుకలను మహిళలు ఎంతో ఘనంగా జరుపుకున్నారు. బీసీ కాలనీ, న్యూ అబాది, టీచర్స్ కాలనీ వంటి ప్రాంతాల్లో మహిళలు తంగేడు, గునుగు పూలతో బతుకమ్మలను అందంగా పేర్చి, సంప్రదాయబద్ధంగా పాటలు పాడుతూ సందడి చేశారు. అనంతరం స్థానిక చెరువులు, పోచారం ప్రధాన కాలువలో బతుకమ్మలను నిమజ్జనం చేశారు. ఈ సంబరాలు సంప్రదాయ పండుగ వాతావరణంలో ఉత్సాహంగా కొనసాగాయి.
