తమిళ సినీ పరిశ్రమలో మరో విషాదం చోటుచేసుకుంది. ప్రముఖ నేపథ్య గాయకుడు కృష్ణరాజ్ రామస్వామి (75) గురువారం అనారోగ్యంతో కన్నుమూశారు. కొంతకాలంగా క్యాన్సర్‌తో బాధపడుతున్న ఆయన, ఆసుపత్రిలో చికిత్స పొందుతూ మరణించారు. తన కెరీర్‌లో సుమారు 3 వేలకు పైగా పాటలు పాడి, ప్రేక్షకులను అలరించిన ఆయన 300 సినిమాలకు గాత్రదానం చేశారు. ఇటీవల సంగీత దర్శకుడు దేవా కన్నుమూసిన ఐదు రోజుల వ్యవధిలోనే కృష్ణరాజ్ మరణించడం కోలీవుడ్ వర్గాలను తీవ్ర దిగ్భ్రాంతికి గురిచేసింది. వీరిద్దరి కాంబినేషన్‌లో ఎన్నో ప్రజాదరణ పొందిన పాటలు వచ్చాయి.