RTI విచారణకు ఆర్‌డీఓ డుమ్మా.. జహీరాబాద్‌లో పిటిషనర్ నిరసన
RTI అప్పీల్ విచారణకు అధికారులు గైర్హాజరు కావడంపై ఆర్టీఐ తెలంగాణ రాష్ట్ర కోశాధికారి ఎండీ ఖాజా మొయినొద్దీన్ తీవ్ర నిరసన వ్యక్తం చేశారు. శనివారం జహీరాబాద్ ఆర్‌డీఓ కార్యాలయంలో మధ్యాహ్నం 3 గంటలకు విచారణ నిర్ణయించగా, ఆయన హాజరై 4: 30 వరకు వేచి చూశారు. అయినప్పటికీ ఆర్‌డీఓ గానీ, తహసీల్దార్ కార్యాలయ అధికారులు గానీ రాలేదు. ఇప్పటికే రెండుసార్లు వాయిదా వేసి, మళ్లీ సమయమిచ్చి రాకపోవడం సమాచారాన్ని తొక్కిపెట్టేందుకేనని ఆయన మండిపడ్డారు. బాధ్యులపై కలెక్టర్ తక్షణమే శాఖాపరమైన చర్యలు తీసుకోవాలని డిమాండ్ చేశారు.
