మయన్మార్‌లోని పశ్చిమ రఖైన్‌ రాష్ట్రంలో, క్యాక్టావ్‌ టౌన్‌షిప్‌లోని రద్దీగా ఉండే మార్కెట్ సమీపంలో సోమవారం మధ్యాహ్నం సైన్యం జరిపిన వైమానిక దాడిలో 49 మంది మృతి చెందారు. మరో 58 మంది గాయపడ్డారు. మయన్మార్‌ సైన్యంపై పోరాడుతున్న అరాకాన్‌ ఆర్మీ ఈ విషయాన్ని వెల్లడించింది. ఈ దాడిలో వ్యాపారులు, కొనుగోలుదారులు, పాదచారులు మరణించినట్లు తెలిపింది. ఈ దాడిలో పలు భవనాలు దెబ్బతిన్నాయి, వాహనాలు కాలిపోయాయి. మయన్మార్‌ సైన్యం ఈ ఘటనపై ఇంకా స్పందించలేదు.